Debako Luzaro Ikastetxeko Haur Hezkuntzako eraikinean dagoen jolastokia eraldatzea adostu da. Bertan 2-6 urte bitarteko haurrek ikasturtean zehar, irailetik ekainera, 9:30-16:00 ordutegian espazio fisiko hau erabiliko dute. Eraldaketaren ostean jolastokian egingo dituzten jarduerak, jolasak eta gorputz-mugimenduak aberatsagoak eta hezigarriak izango dira , esperientzia berri horiek haurren heziketa eta hazkuntza prozesuan eragin positiboa izango dutelarik. Jolastokiaren eraldaketarako hezkidetza zein inklusibitatea oso kontutan hartuko dira.