"Nerabeak astintzen" proiektuaren helburua erregulazio emozionaleko programa batek nerabeentzat duen eragina ebaluatzea da. Horretarako, programak odolaren kolesterolean, pisuan, elikadura-ohituretan, jarduera fisikoan eta emozioetan nola eragiten duen ikusi behar dugu. 6 astez, astean bi orduz, psikologo bat eta POZ zerbitzuko kirol orientatzailea joango dira geletara elikadurarekin, ariketa fisikoarekin, emozioekin eta gizarte-trebetasunekin lotutako gaiak jorratzera.

Elikadura- eta ariketa fisikorako-ohiturei, gorputz-irudiarekiko gogobetetzeari eta erregulazio emozionalari buruzko datuak bilduko dira. Gainera, neurtu eta pisatu eta tentsio arteriala hartuko da. Odola ere aterako da eta listua eta ilea jasoko dira laborategian aztertzeko.